తూరుపు వెలుగు రేఖ మన తెలుగు

2011-06-04T07:20:00.000+05:30

టెట్ ఇదొక బ్రహ్మ పదార్ధం

2011-05-31T22:59:00.003+05:30

టెట్ ఇదొక బ్రహ్మ పదార్ధం ఎవ్వరికి అర్థం కాని వింత పదార్ధం . మన పిల్లలకు ఏది కావాలో , ఎవరిని అడిగి నిర్ణయించాలో ఎలాంటి ఉపాధ్యాయులను తయారు చేసుకోవాలో తెలియని అధికార పిపాస రాయుళ్ళ పుర్రెలో పుట్టిన పనికిమాలిన ఆలోచన. ఒక ఉపాద్యాయుడు విద్యార్థికి ఏమి నేర్పించాలి . అది నేర్పడానికి ఉపాధ్యాయునికి ఉండాల్సిన అర్హతలు ఏమిటి . ఒక్కడే ఒకటి కన్నా ఎక్కువ విషయాలు చెబితే జరిగే నష్టం ఎంత ? ఎక్కువ మందితో అనేక విషయాలు చెప్పించడం వల్ల విద్యార్థికి కలిగే లాభం ఎంత ? అతని ప్రవర్తనలో కలిగే మార్పు ఎంత?
పాపం టెట్ వ్రాస్తున్న నిరుద్యోగులు వింత సమస్యను ఎదుర్కొంటున్నారు ? అ ఆ ల నుండి తెలుగు వ్యాకరణం అంతాచదివింది ఒకటి ? చదవాల్సింది మరొకటి ? వ్రాసేది మరొకటి ? ఏమి ఖర్మ ? ఏమి మన నిరుద్యోగుల దౌర్భాగ్యం ? భవిష్యత్తు కు కావలసిన సరుకు ఇలాగేనా సిద్దం చేసుకొనేది . అభం శుభం తెలియని పసిపిల్లల జీవితాలతో ఆడుకుంటున్నారు. స్వీయ భాషలను గొంతు పిసికి చంపుతున్నారు ? భాషకు ప్రాణం వ్యవహారం . పిల్లలుకూడా సరిగా మాట్లాడకుండా , వారి జీవితంలో స్వంత భాష ఒక భాగం కాకుండా పరాయి భాషలో మిడిమిడి జ్ఞానాన్ని సంపాదించి ఉత్తర కుమారులలా వెలిగేలా తీర్చి దిద్దు తున్నాము . బాగుంది ! తల్లి భాషలో శక్తి సంపాదిస్తే వాళ్ళు వాళ్ళ భవిష్యత్తు ను స్వయంగా తీర్చి దిద్దుకోగలరు . మన పిల్లలను కాపాడుకొందాం. మనలని కాపాడుకొందాం

తెలుగు వెలుగులు ఎక్కడ

2010-02-11T15:18:00.002+05:30

మసక బారిన మన బతుకుల్లాగే మన భాష కూడా మసక బారి పోతున్నది. తెలుగు రాణి పంతుళ్ళు , తెలుగు మాట్లాడలేని పిల్లలు, తెలుగు కనపడని వీధులు , తెలుగు మాట్లాడని అధికారులు.
సిగ్గు సిగ్గు ఏ దేశంలో ఉన్నాము. మన భాషను ప్రేమించలేని , పలకలేని మనుషులమధ్య మన బతుకులు ఎలాసాగు తాయి .

2010-01-20T02:03:00.001+05:30

జై తెలంగాణా
మన భాష తెలంగాణా
మన శ్వాస తెలంగాణా
మన గోస తెలంగాణా

2010-01-20T01:58:00.002+05:30

కాలం విలువ తెలిస్తే ప్రాణాలు ఇలా తీసుకోరు
నిండు నూరేళ్ళ జీవితాన్ని అర్ధాంతరంగా వదిలివేయడం
ఏ లక్ష్య సాధనకొరకు ఎవరు అనుభవించడం కొరకు
బ్రతికి సాధించు జీవించి అనుభవించు
నీ పోరాట స్ఫూర్తి నలుగురిలో నింపు

చదువుల వ్యాపారం - బడుగుల హా హా కారం

2009-06-21T15:42:00.005+05:30

నిన్న మా మహబూబ్ నగర్ లో పుస్తకాలు అమ్మే షాప్ వాళ్లు అందరు కలసి షాపులు మూసివేసినారు . ఎందుకని అంటే ప్రైవేటు స్కూల్ యాజమాన్యాలు వాళ్ల పిల్లలు కొనవలసిన పుస్తకాలు వాళ్ళే తెచ్చి అమ్ముకుంటున్నారు. అంతటితో పోనివ్వక నోటు పుస్తకాలు కూడా ( అవే కావు లెండి టై, బెల్ట్, డైరీ, షూస్, లేసెస్, చిరుతిండి, వగైరా వగైరా ) వాళ్ళే ఉడతా భక్తిగా పిల్లలకు వాటి మీద ఉండే ఎం.ఆర్. పి రేట్ కే అమ్ముతున్నారు. అదే బయట అవుతే పది నుండి ముప్పై శాతం తక్కువకే దొరుకుతాయి. అంటే డెబ్బయి శాతంలో షాప్ వాళ్లకు వచ్చే లాభం ఎంత ?
పిల్లలను స్కూల్ వాళ్లు దోచుకుంటున్నారు వాళ్ల బారి నుండి వాళ్ళను కాపాడి మమ్మల్ని కాపాడమంటూ జిల్లా విద్యా శాఖాదికారికి మొర పెట్టుకున్నారు.
పాపం పిల్లలకు కావలిసిన పెన్సిల్, పెన్ను, ఎరేసేర్ , కంపాస్ బాక్స్ , మొదలైన వస్తువులు అన్ని స్కూల్ వాళ్ళే అమ్ముతూ రెండు చేతులా సాయం చేస్తున్నారు?
పాఠాలు చెప్పుకొండిరా నాయనా అంటే వ్యాపారంలోకి దిగితే వ్యాపారం చేసే వాళ్లు ఇంక ఏమి చెయ్యాలి ?
ప్రభుత్వ నియంత్రణ లేక ప్రైవేట్ పాఠశాలలు ఇష్టా రాజ్యంగా వ్యవహరిస్తుంటే అడిగే నాథుడు లేడు. ఫీజు లు దాదాపు ౪౦ శాతం పెంచినా అడిగే దిక్కు లేదు. పోనీ పెంచిన ఫీజులు ఉపాధ్యాయులకు కొంతన్నా చేరుతాయ అంటే అదీ లేదు . ఈ ఏడు ఉన్నా టీచర్ వచ్చే ఏడు ఉంటాడా అంటే చెప్పేది కష్టం.
ఎవర్ని పడితే వాళ్ళను పెట్టి పాఠాలు చెప్పిస్తుంటారు. అదేమిటంటే ఇష్టం ఉంటే ఉంచండి లేదంటే తీసుకు వెళ్ళండి అంటు దబయిస్తున్నారు. ఇరుకు గదుల్లో, వెలుతురు, గాలి ఆడని చోటులో వాళ్ల చదువులు దేవునికే తెలియాలి. ఎల్కేజీ పిల్లలకు ఫీజు 4500 పదవ తరగతి పిల్లవాడికి 20వేల వరకు వుంటుంది. "చదువు కుంటున్నామా" లేక "చదువు కొంటున్నామా" ? అంగడి సరుకు అయిపోయిన చదువులు ఎ అభివృద్దికి చిహ్నాలు ?
రాజ్యాంగ బద్దంగా వారికి రావలిసిన బడ్జట్ ప్రణాళికలలో కేటాయించక పోవడం వల్ల పిల్లలకు అందవలసిన ఉచిత విద్య అపహాస్యం పాలౌతున్నది. పిల్లలను హాస్టల్లో వేసి చేతులు దులుపుకుంటున్న తల్లి తండ్రులు లక్షల మంది. పిల్లల ముఖాల్లో చిరునవ్వు స్థానంలో వీళ్ళకు ఎందుకు పుట్టమురా భగవంతుడా ? ఈ చదువులు ఎందుకురా భగవంతుడా ? డబ్బే ముఖ్యమా ? జీవితం అంటే డబ్బేనా ? అన్ని సందేహాలే ? నీతి, నిజాయితీ , ధర్మం, న్యాయం, సహనం, శాంతం, సమత్వం, అన్నీ బూటకం పాఠాల్లో ఉండే అంశాలు ఒకటి, బయట కనిపించేవి మరొకటి, దేన్ని నమ్మాలో దేన్ని కాదనాలో తెలియక బిక్క మొఖం వేస్తున్న పిల్లలను చూస్తుంటే పెద్దరికం వహిస్తున్న వాళ్ల వీపులు ఉపాధ్యాయునిగా చిట్లగొట్టాలి అనిపిస్తుంది. ( గురువులైన వారు గుద్దితే ఏమయ ) అన్నారు వేమన .

పుస్తకాలు లేని చదువులు

2009-06-19T23:59:00.002+05:30

పాఠశాలలు ప్రారంభమయ్యాయి కాని పుస్తకాలు మాత్రం అందలేదు . కారణం ప్రభుత్వం గ్రాంట్ ఇవ్వలేదు, అధికార్లు స్పందించలేదు, న్వూస్ ప్రింట్ సకాలం లో అందలేదు , ఇండెంట్ మాకు అందించలేదు . కర్ణుని చావుకు కారణాలు అనేకం అలాగే పుస్తకాలు అందాకా పోవడానికి కారణాలు అనేకం . ప్రభు భక్తి చాటుకునే వారు ఆందరూ, ప్రైవేటు భక్తి చాటు కునే వారు కొందరు, వెరసి పిల్లల తల్లి తండ్రుల జేబులకు చిల్లు పెడుతున్నారు.
ఒకే పుబ్లిషెర్ ఉచిత పాఠ్యపుస్తకాలు , అమ్మకపు పాఠ్యపుస్తకాలు సరఫరా చెయ్యాలి . కావలిసినన్ని ఉచిత పాఠ్య పుస్తకాలు అందించకపోవడానికి రకరకాల సాకులు చెబుతారు. అదే బజారులో అమ్మడానికి కావలిసినన్ని పుస్తకాలు అందుబాటులో ఉంచుతారు.
ఈ మారు వచ్చిన ౧ ,౩, ౫ తరగతుల పుస్తకాల అట్టలు మరీ అద్వాన్నంగా ఉన్నాయి. ప్రింట్ సరిగా లేదు, కలర్ సరిగా లేదు, బొమ్మలు సరిగా లేవు అసలు టెక్నాలజీ ఇంతగా అభివృద్ధి చెందినా తరువాత మన పిల్లల పుస్తకాలు ఇలా ఉండటం సిగ్గు చేటు .
౧౪ ఏండ్ల లోపు పిల్లలకు అందరికి ప్రైవేటు, ప్రభుత్వ పాఠశాలల్లో ఉచితంగానే పాఠ్యపుస్తకాలు అందచేయాలి. నాణ్యతతో కూడిన విద్యకు నాణ్యమైన పుస్తకాలు అవసరం. ఆలోచించండి .

గిలిగింత

2009-06-08T00:24:00.003+05:30

ఏమండీ ! మీరు ఇంతకు ముందు నన్ను రంభా , ఊర్వశి , మేనక అంటూ పొగిడేవారు !
ఇప్పుడు ముచ్చటకైన అనరేం ?
" నిన్నటి నుండి అబద్దాలాడ కూడదని నిశ్చయించుకున్నాను ".

పెళ్ళంటే ?

2009-06-08T00:14:00.004+05:30

పోలీస్ లు గుర్తించిన స్నేహం
ఫ్రీ స్పీచ్ ను అణచే చట్ట బద్ధమైన వ్యవస్థ
ఆడది అదనపు జీతం లేకుండా ఓవర్ టైం చేసే ఏకైక ఉద్యోగం.
సంసారి దు:ఖి
మగాడు బాచిలర్ డిగ్రీ పోగొట్టుకుంటే ఆడది మాస్టర్ డిగ్రీ సంపాదించడం.
పెళ్లి చేసుకోవడం అంటే హోటలుకు వెళ్ళడం లాంటిది. మీకేం కావాలో ఆర్డర్ చేస్తారు. కాని పక్క వాళ్ల ప్లేట్ లో ఏముందో చూసాక , మీరూ అదే ఆర్డర్ చేసి ఉండాల్సింది అని అనుకుంటారు.

విడాకులంటే

2009-06-08T00:06:00.002+05:30

ఆరిపోయిన ప్రేమ జ్వాల

ఇరుగు పొరుగుకు శాంతినిచ్చేది

వంటవాడిని పోగొట్టుకోవడం

ఐకమత్యమే బలం అన్న సిద్ధాంతాన్ని తప్పు అని ఋజువు చేసేది.

వియ్యాల వారి కయ్యాలకు పుల్ స్టాప్ .

సమస్యా పూరణం

2009-06-07T23:49:00.002+05:30

సమస్య - మగనిని కొట్టిన మగువయె మంచిది ఇలలో

తగవాడక తనువాడక
వగపులు చూపక నిరతము వంచన మదిలో
పగరేపక వలపులతో
మగనిని కొట్టిన మగువయె మంచిది ఇలలో

సంస్కృత పద జ్ఞానం

2009-06-07T14:26:00.002+05:30

సూచన :- పదాలకు అర్థాలు వాక్యప్రయోగాలను దృష్టిలో ఉంచుకొని చెప్పాలి.

అంగుళి ముద్రా - అక్షరాలు గల ముద్దుటుంగరము ( అక్షరాలు గల ఉంగరము )
మీ అంగుళి ముద్ర చాలా బాగున్నది.
అంతరాళం _ అష్ట దిక్కుల మధ్య గల ప్రదేశం .
ఓయి రాక్షసా అంతరాళంలో నీవు ఎక్కడ ఉన్నా పట్టి బంధిస్తాను.
అంతర్వాణి: - శాస్త్రము తెలిసిన వాడు.
ఈ సభలో అంతర్వాణి మాత్రమే శాస్త్ర చర్చలో పాల్గొంటాడు.

తెలుగు రాని కొత్త తెలుగు పంతుళ్ళు

2009-06-07T13:45:00.003+05:30

తెలుగు రాని కొత్త తెలుగు పంతుళ్ళు - తెలుగు లేని కొత్త లోగిళ్ళు -

రాష్ట్రంలో ఈమధ్య జరిగిన ఉపాధ్యాయుల పదోన్నతుల తీరు అందులో వారు పాటించిన నియమాలు విద్యార్థుల పాలిటశాపాలుగా మారనున్నాయి.
ముఖ్యంగా తెలుగు ప్రమోషన్ల విభాగంలో గ్రేడు ౨ తెలుగు పండితులు కావలసినంత మంది అందుబాటులో ఉన్నావారిని కాదని నిన్నమొన్న ఎం.ఎ తెలుగు పాసయిన వారికి పదోన్నతులు కల్పించినారు. వీరికి తెలుగు బోధించినఅనుభవం లేదు . సరికదా ఇప్పుడు వీరు చెప్పవలసింది ఉన్నత తరగతులకు.
విద్యార్థులను , తెలుగును దేవుడే కాపాడాలి. ఆంధ్రజ్యోతి, టి.వి. ౯ సాక్షి, మొదలైన మాధ్యమాలు దీనిగురించిప్రభుత్వానికి హెచ్చరికలు చేసినా , డైరెక్టర్, సెక్రటరి , విద్యాశాఖామాత్యులు , ముఖ్య మంత్రి గారు ఎవ్వరుపట్టించుకోలేదు. ప్రభుత్వ పాఠశాలల్లో విద్యార్థులకు తెలుగును సక్రమంగా బోధించే ఉపాధ్యాయులను అందుబాటులోఉంచాల్సిన ప్రభుత్వం ఎ మాత్రం భాషపై పట్టు లేని ఉపాధ్యాయులును పదోన్నతులిచ్చి విద్యార్థుల జీవితాలతోఆటలాడుకోవడం దురదృష్టకరం .
రాష్ట్రంలో తెలుగును ప్రత్యేకంగా నేర్పించే కళాశాలలు ( ఓరియంటల్ కళాశాల పేర ) నడుస్తున్నాయి. వీటిలో చదువుకునిఉద్యోగాలు సంపాదించి ఉపాధ్యాయ వృత్తిలో ౨౫ ఏండ్లుగా తెలుగును బోధించిన అనుభవం గల భాషో పాద్యాయులనుకాదని తెలుగు భాష గురించి అవగాహన లేని వారిని గ్రేడ్ ౧ తెలుగు పండితులుగా నియమించడం భాషాభివృద్దికి ఎవిధంగాను మంచిది కాదు.
మన తరువాతి తరాలకు మనమిచ్చే భాషావారసత్వం ఇలా ఉంటే రేపటి తరం భాషా దారిద్ర్యం అనుభవించక తప్పదు.
విజ్ఞులైన వారంతా స్పందించాల్సిన అవసరం ఎంతైనా ఉంది. రాబోయే తరాలకు మన భాషను బలంగా అందించాల్సినఅవసరం ఉంది.
భాషలు అభివృద్దికి మూల కందాలు.
భాషలను హ్యుమానిటీస్ అంటారు . అనగా మానవీయ శాస్త్రాలు. ఇవి మనిషి జీవించడానికి కావలసిన , సృజించడానికికావలసిన శక్తిని ఇస్తాయి.
కనుక కేవలం భాషలు అంటూ తేలికగా చూడవద్దు. తెలుగు భాషాభివృద్ధి మన రాష్ట్ర అభివృద్దిపై ప్రభావాన్నిచూపుతుంది.
తెలుగును బలోపేతం చేద్దాం. రాష్ట్రాన్ని అభివృద్ధి పథంలో నడిపించుకుందాం .

మహనీయుల చతురోక్తులు 3

2009-06-07T13:10:00.007+05:30

అన్యోన్య దాంపత్యం

ఓ సారి మునిమాణిక్యం గారు శివశంకర శాస్త్రిగారితో ఇలా అన్నారు
" అన్నగారూ ! నాకు మా ఆవిడకు నిమిషం పడదు?. నేనేనా మన సాహితి మిత్రులు కూడా అందరు ఇంతేనా ?
" మూక ఉమ్మడిగా కాదు ఒక్కొక్కరి గురించి అడగండి చెబుతాను " అన్నారు శివశంకరులు .
" ముందు చెళ్ళపిళ్ళ వారి గురించి చెప్పండి."
" చెళ్ళపిళ్ళ వారిది అన్యోన్య దాంపత్యమే , ఏమంటే శాస్త్రి గారూ ఎప్పుడూ ఇంట్లో వుండరు . నానా రాజ సందర్శనం అంటుఅన్ని రోజులు దేశాలు తిరగడమే ! ఇక ఇంట్లో ఉండేది ఎప్పుడు దేబ్బలాడుకునేది ఎప్పుడు. అందుకే వాళ్ళది అన్యోన్యదాంపత్యం.
" మరి గిడుగు రామమూర్తి గారిదో "
" ఆయనిది కూడా అన్యోన్య దాంపత్యం. ఆయనకి బ్రహ్మ చెముడు . ఆవిడ తిట్టే తిట్లు ఆయనకు వినపడవు. అందువల్లఇద్దరిమధ్య కజ్జాల్లేవు "
" జమ్మలమడక వారిది ?"
" వారిది కూడా అన్యోన్య దాంపత్యమే ! ఏమంటారా ? అయన సంస్కృతంలో గాని మాట్లాడరు. ఆవిడకు సంసృతం రాదు. భాషా భేదం కారణంగా పొరపొచ్చాలు రావు .
" కృష్ణ శాస్త్రిగారు "
" ఆయన ఎప్పుడు ఉహా లోకంలో ఉంటారు . వాస్తవ లోకంలోకి వస్తే కదా భార్యతో దెబ్బలాడడానికి .
" ఇక మరి మీరో ?"
నేను తీరా దెబ్బలాడడానికి సిద్దం అయ్యేసరికి మా ఆవిడ చచ్చిపోయింది. అని బోసి నోటితో పకపక నవ్వారు.

మహనీయుల చతురోక్తులు 2

2009-06-07T12:47:00.004+05:30

పద్యమో వైద్యమో , చంపడం ముఖ్యం

పానుగంటివారు స్వతహాగా మాటకారి వారి చలోక్తుల్ని ఇవ్వాళ ఎందరో చలామణి చేసుకోవడం జరుగుతున్నది.
ఒకసారి పానుగంటి దర్శనానికి ఒక వ్యక్తి వచ్చి స.ప.స.సా. అని నాలుగు పొడి అక్షరాలు రాసి లోపలికి పంపాడు .
అతన్ని లోపలికి రమ్మని పానుగంటివారు కబురంపారు .
లోపలికి వచ్చిన అతన్ని చూసి
"నువ్వా సాంబయ్యా " అన్నారు .
" చిత్తం" అన్నాడతను.
" ఈ పొడి అక్షరాల గొడవేమిటి. ?"
"నా బిరుదులూ, నా పేరండి ."
" స.ప.స.సా. అంటే ?'
"సహజ పండిత సంపర సాంబయ్య "
"ఓయి నీ అసాద్యం గూలా! ఎవరిచ్చారు నీకు సహజ పండిత బిరుదు.?"
" ఎవరూ ఇవ్వలేదండి , స్వయంగా నేనే తోడుక్కున్నాను ."
" అలాగా ? నువ్వు పూర్వం వైద్యం చేసేవాడివి కదా ?, ఇప్పుడు చేస్తున్నావా ?
" లేదండి - మానేసాను."
" మరేం చేస్తున్నావు ?"
" వైద్యం మానేసి కవిత్వం రాస్తున్నాను " అన్నాడు సాంబయ్య.
వెంటనే పానుగంటివారు - " ఎదైతెనేమిలే , మనుషుల్ని చంపడానికి " అన్నారు తాపీగా.

మహనీయుల చతురోక్తులు

2009-06-07T12:32:00.005+05:30

పకోడీ పద్యం

ఒకసారి తిరుపతి వెంకట కవులను ఒక అవధానములో పృచ్ఛకుడు ఇలా ప్రశ్నించారట
" మీరు ఆశువుగా దేని మీదనైనా పద్యం చెబుతారా ?"
దానిదేమి భాగ్యం " ఓ పరబ్రహ్మ మొదలు పకోడీ వరకు దేనిమీదనైనా చెప్తాం అన్నారట "
" అయితే పకోడీమీద చెప్పండి " అన్నాడు పృచ్ఛకుడు.
"సెనగ పిండి ఉల్లిపాయ చిన్న మిర్పకాయలున్
జొనిపి యందు నల్లమింత చొనిపి ముద్దచేసియున్
అనలతప్తమైన నేతియందు వైచి వేచినన్
జను పకోడీ యనెడు పేరా చక్కనైన ఖాద్యమై " అంటు శాస్త్రి గారు పద్యం చెప్పేసరికి సభాస్థలి చప్పట్లతో మారుమ్రోగింది.

అచ్చి గాడు

2009-06-06T23:04:00.002+05:30

నాన్నా ఆనిమల్ ప్లానెట్లో జంతువులు అడవిలో ఉంటాయికదా మరి హైదరాబాద్ లో జూలో పెట్టారెందుకు .

అందం చందం

2009-06-06T22:55:00.002+05:30

అమ్మాయిలూ వాలు జడలకు కత్తిరింపుల శిక్షలు వేయకండి అబ్బాయిల గుండెల్లో బాకులు దిగకుండా చేయకండి. నీలికురులతో నల్ల కలువల కళ్ళతో వయారాల నడకతో చల్లదనాల గన్ధాల సువాసనలతో లోకం చుట్టండి . మీ కాళ్ళ దగ్గరలోకాన్ని కట్టెయ్యండి.

కోడలుపిల్ల

2009-06-06T22:50:00.003+05:30

నా కోడలు ఒకసారి మరకత మాణిక్యాలు అంటే ఏమిటి అని అడిగింది . నేనన్నాను కదా మరకతం మీ అమ్మ మాణిక్యంనువ్వు . చీ పో అంటు దూరంగా పారిపోయింది

అబద్ధాలాడు సమయాలు

2009-06-06T19:04:00.001+05:30

శుక్ర నీతి

వారిజాక్షులందు వైవాహికములందు
ప్రాణ విత్త మాన భంగమందు
చకిత గొకులాగ్ర జన్మ రక్షణమందు
బొంకవచ్చు నఘము పొందదధిప !

స్త్రీల విషయములో, వివాహ విషయములో, ప్రాణానికి , సంపదకు, మానమునకు హాని కలిగే సందర్భంలో, గోవులను, బ్రాహ్మణులను రక్షించు సమయములో అబద్ధము ఆడ వచ్చును.

2009-06-06T18:55:00.000+05:30

తెలుగు వాడకం పెరిగితే తెలుగు బతుకుతుంది

తెలుగు వాడకం పెరిగితే తెలుగు బతుకుతుంది
రండి అందరం కలసి మన భాషను బతికించుకుందాము

జీవిత సత్యం

2009-06-06T18:18:00.000+05:30

జీవిత సత్యం

నిన్న శూన్యం
నేడు మనిషి
రేపు మట్టి
తెలుసుకో ఈ నిజం
మలచుకో నీ మతం
మరచిపో నీ గతం
ఇదే జీవిత సత్యం

తెలుగు పదనిసలు 2

2009-06-06T17:17:00.003+05:30

తెలుగు పదనిసలు 2
విజయకుమార్ గారు తెలుగు పండిట్ . వీరు తెలుగేకాకుండా సాంఘిక కూడా బోధిస్తుండేవారు . ఒక సారి పరీక్షలో ఒక ప్రశ్నకు సమాధానం చూసి నన్ను చూడమన్నారు. అది చూసి నవ్వు ఆగ లేదు.
ప్రశ్న: పూరి ఎక్కడ ఉంది.?
సమాధానం : రెడ్డి పద్మమ్మ హోటళ్ళో పూరి ఉంది. ఇంతేకాదు ఊళ్ళో ఎక్కడెక్కడ పూరి దొరుకుతుందో వాటి లిస్టు వ్రాసినాడు.
ఇలా వ్రాసినందుకు మేమిద్దరం వాడికి చెరి 5 /- బహుమతి ఇచ్చాము. వాడికి అర్థం కాలేదు. అందరు నవ్వుతుంటే వాడికి చెతిలో ఉన్న 5/- కొత్త ఆలోచన కలిగించింది. 10వ తరగతి వాడు ఫస్టు క్లాసులో పాసయ్యాడు.

తెలుగు పదనిసలు

2009-06-06T16:58:00.003+05:30

తెలుగు పదనిసలు
మా మిత్రుని పాఠశాలలో ప్రధానోపాధ్యాయుని పేరు నరస రాజు . మా మిత్రుడు ఆ పాఠశాలలో సెకండ్ లాంగ్వేజ్ తెలుగు బోధిస్తున్నాడు. అదీ ఉర్దూ పిల్లలకు. వారికి ఒక అసైన్మెంట్ ఇచ్చాడు. అందులో మీ ప్రధానోపాధ్యాయుల పేరు వ్రాయండి అని ఒక ప్రశ్న ఇచ్చారు. దానికి వాళ్ళు వ్రాసిన సమధానాలు చూసి మా మిత్రునికి నోట మాట రాలేదు కారణం వాళ్ళ సమధానాలు.
విషయమేమిటంటే అసైన్మెంట్ గురువుగారికంటే ముందే ప్రధానోపాధ్యాయులు చూసినారు. వాళ్ళ సమధానాలు ఇలా ఉన్నాయి.
సరస రాజు
నస రాజు
నీరస రాజు
న్రుస రాజు
వ్రుష రాజు
నా రాజు
నీ రాజు ..........
పాపం మరుసటి రోజునుండి నరసరాజు కాస్తా సరస రాజు / నీరస రాజు అయ్యారు.

గద్వాల కబుర్లు

2009-06-06T16:17:00.007+05:30

గద్వాల కబుర్లు
మా ముత్తాతల నాటి మాట. మా ముత్తాతలు గద్వాల రాజులకు సామంతులైన తాటికొండ దొరల పురోహితులు . వీరు గద్వాల రాజాస్థానాన్ని దర్శించిన సందర్భంలో ఒక సంఘటన జరిగింది. దానిని మీతో పంచుకుంటున్నాను . రాజా వారు ఆ రోజుల్లో బ్రాహ్మణ సంతర్పణ చేసేవారు రాజ వీధిలో సుమారు 1/8 కిలోమీటర్ల దూరం 4 వరుసలుగా పంక్తులను కూర్చోబెట్టేవారు . సాయంత్రం 3 లేదా 4 గంటలకు భోజనం ప్రారంభమయ్యి 7 గంటలకు ముగిసేదట.
సాయంత్రం కద బ్రహ్మలకు కనపడడానికి దివిటీలు పట్టించేవారు. ఆ దివిటీలు పట్టే వారిలో ఒకడు అడిగాడట స్వామి మీ భోజనం దేనితో మొదలవుతుంది అని దానికి మా ముత్తాతగారు ఇలా చెప్పారట ఒరేయ్ మేము మామూలుగా విస్తర్లో ఉప్పు వేసుకొని తరువాత మిగతా వంటకాలు వడ్డించుకుని పెరుగుతో ముగిస్తాము అని.
దాని తస్సా గొయ్య ఇంతేనా అయ్యొరు అన్నడట. అప్పట్లో దివిటీలు పట్టే వారు బ్రాహ్మల వైపు కాకుండ అటు తిరిగి దివిటీలు పట్టే వారట. భోజనాలు మొదలయ్యాయి. దాదాపు 3 గంటలు అయ్యిందట. పెరుగు వడ్డన అవుతున్నది. బ్రాహ్మలలో ఒకరు ఉప్పు తెమ్మని అడిగాడట. అంతే దివిటీ మోస్తున్న ఆ ప్రశ్నలడిగినవాడు దివిటీ పడేసి పరుగు అందుకున్నాడట. దాంతో అక్కడ కలకలం మొదలయ్యి. రాజుగారికి సంగతి తెలిసింది.
బ్రాహ్మలు కొపంగా ఉన్నారట. రాజా వారికి ఏమిచెయ్యలో వారిని ఎలా సమదానపరచాలో తెలియక దివిటీ పట్టి తప్పు చేసిన వాడిని రప్పించాడట.
వాడు ఏలినివారితో మొరపెట్టుకున్నాడట. అయ్యా వీళ్ళ భోజనం 3 గంటలకు మొదలయ్యి 7 గంటలదాకా సాగుతూనే ఉన్నది. అప్పటికే దివిటీ మోసి మోసి నా భుజం నొప్పి పుట్టింది. మళ్ళీ ఎవరో అయ్యోరు ఉప్పు అడిగేసరికి నా యాల్ది వీళ్ళు మల్లా భోజనం మొదటికి వచ్చారనుకొని నాకు భయమేసి దివిటీ పారేసి లగెత్తుకెల్లాను.
విషయం తెలుసుకున్న రాజుగారు బ్రాహ్మలు నవ్వుకున్నారట.

తెలుగు భాష తీయనిది

2009-06-05T19:32:00.001+05:30

తెలుగు భాష తీయనిది అమ్మతనములోని కమ్మదనము కలబోసుకున్నది. పిల్లలతో తెలుగులో మాట్లాడండి.. ఇంగ్లీషు వ్యామోహాన్ని విడిచిపెట్టండి.

Become a Telugu Learner

2009-06-05T00:07:00.002+05:30

Great Philosophers and writers like C.P. Brown, Orcott Brothers, Maxmullar were learned Telugu Language . Be one of them Learn Telugu from today best of luck.

East of the Italian

2009-06-04T22:12:00.000+05:30

There are around 3000 languages in the world. There are only six Languages ending with owels in the world . Telugu is one of those. It is the second largest language in India. Telugu language is one of the ancient language . Nannaya poet is called Aadi kavi ( First poet in Telugu ) He wrote Mahabharatha in Telugu. there are 250 great poets in anciant telugu literature, 250 great poets in modern Telugu litereature. It is amaging.